Дмитрий Федотов сырдык кэриэһигэр сахалыы остуол оонньууларыгар республиканскай турнир үрдүк таһымнаахтык ыытылынна.

Кулун тутар 14-15 күннэригэр Үөһээ Бүлүү улууһун киинигэр «Үс Хоһуун» спорткомплекса тыыл уонна педагогическай үлэ бэтэрээнэ, Саха Республикатын хабылыкка, хаамыскаҕа бастакы маастара Дмитрий Яковлевич Федотов сырдык кэриэһигэр сахалыы остуол оонньууларыгар республиканскай турнир үрдүк таһымнаахтык ыытылынна. Күрэхтэһиигэ уопсайа 10 хамаанда Дьокуускайтан, Чурапчыттан, Мэнэ Хаҥаластан, Уус Алдантан, Хаҥаластан, Горнайтан, Сунтаартан, Ньурбаттан, Бүлүүттэн уонна Үөһээ Бүлүүттэн барыта 73 оонньооччу кытынна.

Күрэхтэһии сүрүн сыала-соруга Дмитрий Яковлевич Федотов сырдык аатын үйэтитии уонна оонньуу маастарыстыбатын үрдэтии, нэһилиэнньэҕэ киэҥник тарҕатыы буолар.Тэрээhин үөрүүлээх арыллыытыгар Үөһээ Бүлүү улууһун аҕа баһылыгын солбуйааччыта Семен Анатольевич Михалев, спорт управлениетын начальнигын солбуйааччыта Василий Тихонович Петров эҕэрдэтэ тыллары эттилэр.

Дмитрий Яковлевич Федотов төрөппүт кыра кыыһа, биологическай наука кандидата Ольга Дмитриевна Васильева аҕатын туһунан ахтан-санаан ааста.

Дмитрий Яковлевич үөрэнээччилэрин ааттарыттан кини таптыыр үөрэнээччитэ, сахалыы остуол оонньууларын бастакы маастара Алена Кузьминична Чирикова иһирэх истиҥ тылларынан махталын биллэрдэ.

Саха Республикатын остуол оонньууларын федерациятын президенэ Ольга Григорьевна Григорьева, Баһылай Манчаары спорт национальнай көрүҥнэрин киинин аатыттан махтал суруктар остуол оонньуутун (хабылыгы, хаамысканы) киэҥник тарҕатааччыларга туттарылыннылар.

Араас таһымнаах ырыа күрэхтэрин кыайыылааҕа, чуор куоластаах Мария Алексеева хаамыска, хабылык туһунан гимны бэлэх уунна.

Дмитрий Яковлевич Федотов 85 сылыгар аналлаах Бүлүү бөлөх улуустарын оһуохай этээччилэрин икки ардыларыгар оһуохай күрэҕин Аар Дархан этээччитэ Егор Егорович Егоров-Үс Дьөгүөр оһуохай үҥкүүтүнэн кыттааччылары сүргэлэрин көтөхтө.

Сүрүн судьуйанан Д.Я.Федотов иитиллээччитэ, Саха Республикатын сахалыы остуол оонньуларын маастара Туйаара Константиновна Варламова уонна сүрүн секретарынан республика остуол оонньууларын федерациятыттан Владимир Романович Кетехов үлэлээтилэр.

Күрэхтэһии икки күнү быһа үрдүк таһаарыылаахтык барда. Бастакы күн «Күөрэгэй», «Умсаах» уонна «Сулус» диэн саҥа остуол оонньуулара троеборье быһыытынан үс бөлөҕүнэн барда.

БАСТАКЫ БӨЛӨХ (14-17 СААСТААХ) ОҔОЛОР

Кыргыттар

  1. Бушкова Туйаара (Үөһээ Бүлүү)
  2. Васильева Вероника (Үөһээ Бүлүү)

Уолаттар

  1. Махаров Алеша (Үөһээ Бүлүү)
  2. Иванов Клим (Үөһээ Бүлүү)
  3. Семенов Ньургун (Ньурба)

ИККИС БӨЛӨХ (18-35 СААСТААХ) УЛАХАН ДЬОН

Дьахталлар

  1. Егорова Розанна (Үөһээ Бүлүү)
  2. Андреева Айыына (Үөһээ Бүлүү)
  3. Егорова Катя (Үөһээ Бүлүү)

Эр дьон

  1. Оконешников Уолан (Дьокуускай)
  2. Захаров Андрей (Бүлүү)
  3. Попов Владислав (Мэҥэ Хаҥалас)

ҮҺҮС БӨЛӨХ (36 СААСТАРЫТТАН ҮӨҺЭЭ) УЛАХАН ДЬОН

Дьахталлар

  1. Иванова Мария (Ньурба)
  2. Данилова Ньургуйаана (Дьокуускай)
  3. Иванова Лариса (Ньурба)

Эр дьон

  1. Деллохов Андрей (Чурапчы)
  2. Новгородов Виктор (Дьокуускай)
  3. Дмитриев Айаал (Бүлүү).

Иккис күн биэс бөлөҕүнэн (хабылыкка, 5-х хаамыскаҕа, 7-х хаамыскаҕа) күрэх ыытылынна.

БАСТАКЫ БӨЛӨХ (14-17 СААСТААХ) ОҔОЛОР, ХАБЫЛЫК, ХААМЫСКА 5-ТЭЭХ УОННА 7-ЛЭЭХ

Кыргыттар

  1. Васильева Вероника (Үөһээ Бүлүү)
  2. Бушкова Туйаара (Үөһээ Бүлүү)

Уолаттар

  1. Махаров Алеша (Үөһээ Бүлүү)
  2. Семенов Ньургун (Ньурба)
  3. Иванов Клим (Үөһээ Бүлүү)

ИККИС БӨЛӨХ (18-35 СААСТААХ) ЭДЭР ДЬОҤҤО ХАБЫЛЫК, ХААМЫСКА 5-ТЭЭХ УОННА 7-ЛЭЭХ

Дьахталлар

  1. Ксенофонтова Мария (Сунтаар)
  2. Андреева Айыына (Үөһээ Бүлүү)
  3. Егорова Катя (Үөһээ Бүлүү)

Эр дьон

  1. Степанов Степан (Чурапчы)
  2. Оконешников Уолан (Дьокуускай)
  3. Захаров Андрей (Бүлүү)

ҮҺҮС БӨЛӨХ (36-50 СААСТААХ), ХАБЫЛЫК, ХААМЫСКА 5-ТЭЭХ УОННА 7-ЛЭЭХ

Дьахталлар

  1. Данилова Ньургуйаана (Дьокуускай)
  2. Иванова Мария (Ньурба)
  3. Семенова Галина (Үөһээ Бүлүү)

Эр дьон

  1. Деллохов Андрей (Чурапчы)
  2. Новгородов Виктор (Дьокуускай)
  3. Родионов Степан (Үөһээ Бүлүү)

ТӨРДҮС БӨЛӨХ (51-65 СААСТААХ), ХАБЫЛЫК, ХААМЫСКА 5-ТЭЭХ УОННА 7-ЛЭЭХ

Дьахталлар

  1. Иванова Лариса (Ньурба)
  2. Николаева Галина (Бүлүү)
  3. Михайлова Анна (Чурапчы)

Эр дьон

  1. Павлов Анатолий (Горнай)
  2. Васильев Алексей (Чурапчы)
  3. Николаев Илья (Бүлүү)

БЭҺИС БӨЛӨХ (66 СААСТАРЫТТАН ҮӨҺЭЭ), ХАБЫЛЫК, ХААМЫСКА 5-ТЭЭХ УОННА 7-ЛЭЭХ

Дьахталлар

  1. Боронова Анастасия (Бүлүү)
  2. Павлова Екатерина (Горнай)
  3. Ущницкая Мария (Усть-Алдан)

Эр дьон

  1. Иванов Гаврил (Бүлүү)
  2. Иванов Дмитрий (Бүлүү)
  3. Гаврильев Макар (Ньурба)

Муҥутуур кыайыылаахтарынан буоллулар: кыргыттарга Васильева Вероника (Үөһээ Бүлүү) уонна Ульяна Васильевна Григорьева оҕолоро туруорбут иистэнэр массыынанан, уолаттарга Махаров Алеша (Үөһээ Бүлүү) Ольга Дмитриевна Васильева туруорбут нетбук бирииһинэн, дьахталларга Иванова Мария (Ньурба), эр дьоҥҥо Захаров Андрей (Бүлүү) сыаналаах бириистэринэн наҕараадаланнылар.

Күрэхтэһиигэ саҥа көрүҥүнэн олус интэриэһинэй, маастарыстыбаны үрдэтиигэ туһаайыллыбыт “Федотовтуу оонньуу” ыытылынна. Ол курдук оонньуу бастакы түһүмэҕэ хабылык, иккис түһүмэҕэ биэстээх хаамыска, үһүс түһүмэх сэттэлээх хаамыска, төрдүс түһүмэх тоҕустаах хаамыска – барыта биирдии попытка. Уонна кылгас бириэмэҕэ бүтэрбит оонньооччу кыайыылааҕынан ааҕыллар.

Бу саҥа көрүҥҥэ Дмитрий Яковлевич үөрэнээччитэ Чурапчыттан Андрей Деллохов бастыҥ бириэмэни (2 мин. 57 сөк.) көрдөрөн, кыайыылаах үрдүк аатын ылары ситистэ уонна Федотовтар дьиэ кэргэттэрин анал бириистэрин – 50 тыhыынча суумалаах путевка хаһаайынынан буолла. Манна даҕатан эттэххэ, бу күрэхтэһии саҥа көрүҥнэрин ыарахан диэн чаҕайбакка, эдэрдэри кытта тэҥҥэ билиҥҥи саҥа быраабылаларын баһылаабыт аҕам саастаах оонньооччуларбытыгар махтаныахпын баҕарабын. Чэгиэн буолуҥ, мэлдьи инники күөҥҥэ сылдьыҥ!

Үөһээ Бүлүү улууһун остуол оонньуутун маастардарын анал бириистэрин сэрэбэй тардыытын түмүгэр Бүлүү улууһуттан 68 саастаах Анастасия Боронова соһуччу ылан үөрүүтэ муҥура суох.

Алена Чирикова бэйэтин анал бирииһин күрэхтэһии аҕам саастаах кыттыылааҕар Горнай улууһуттан сылдьар 87 саастаах Кириллин Иннокентий Степановичка туттарда.

Күрэхтэһии үрдүк таһымнаахтык, тэрээһиннээхтик ыытыллыбыта сүрүн судьуйа Т.К. Варламова, сүрүн секретарь В.Р.Кетехов уонна Республика остуол оонньууларын федерациятын судьуйаларын Уо.С.Оконешников, Нь.С.Данилова, Л.М.Иванова, М.И.Иванова, А.А.Захаров сыралаах үлэлэрэ туоһулуур.

Үөһээ Бүлүү улууһун дьаһалтатын баһылыгын солбуйааччытыгар Л.С.Тойтоноваҕа, Баһылай Манчаары спорт национальнай көрүҥнэрин киинин тренерыгар Н.Н.Белолюбскаяҕа, Үөһээ Бүлүү улууһун остуол оонньуутун федерациятын председателигэр В.В.Николаевка барҕа махталбытын тиэрдэбит.

 

Элеонора НИКОЛАЕВА,

педагогическай үлэ бэтэрээнэ.